ભરૂચ પોલીસ હેડકવાર્ટર ખાતે ઇનચાર્જ એસ.પી વિકાસ સુંડાના અધ્યક્ષસ્થાને વન મહોત્સવનો કાર્યક્રમ યોજાયો હતો. ગુજરાત પોલીસના રાજયકક્ષાના વન મહોત્સવના ભાગરૂપે ભરૂચ પોલીસ હેડકવાર્ટર ખાતે યોજાયેલા વૃક્ષારોપણ કાર્યક્રમમાં ઇનચાર્જ એસ.પી વિકાસ સુંડા, હેડકવાર્ટરના ડીવાયએસપી જે.એસ.નાયક અને પોલીસ જવાનોની હાજરીમાં ૩૦૦ જેટલો વૃક્ષોનું રોપણ કરવામાં આવ્યું હતું.
આ પ્રસંગે ઇનચાર્જ એસ.પી એ વૃક્ષોએ આવનાર પેઢીના તંદુરસ્ત જીવન માટે આર્શિવાદરૂપ છે તેમ જણાવી પર્યાવરણના જતન માટે વૃક્ષારોપણ કરી તેનું જતન-સંવર્ધનની હિમાયત કરી હતી. આ પ્રસંગે ગૃહ રાજય મંત્રી હર્ષ સંધવીના હસ્તે ગુજરાત પોલીસના રાજય કક્ષાના વન મહોત્સવ શુભારંભ કાર્યક્રમનું જીવંત પ્રસારણ સૌએ નિહાળયું હતું.
Advertisement
