ભરૂચના હલદરવા ગામ નજીક આવેલા જી ઇ બી ના ખુલ્લા કમ્પાઉન્ડમાં મૂકેલા આઇ.સો.લેટર સામાનની કોઇ અજાણ્યા ચોર ઈસમે ચોરી કરી પલાયન થઇ જતા નબીપુર પોલીસ મથકમાં ફરીયાદ નોધાવા પામી છે.
પ્રાપ્ત માહિતી અનુસાર હલદરવા ગામ નજીક આવેલા જીઇબી ના સામાન રાખવાના ખુલ્લા કમ્પાઉન્ડમાં બનાવેલા પ્લેટફોર્મ ઉપર આઇ.સો. લેટર સામાન મૂકેલો હતો. જે સામાનની ગત તારીખ ૨૭ સપ્ટેમ્બર ૨૦૨૧ થી ૪ ઓકટોબર ૨૦૨૧ દરમિયાન કોઇ પણ સમયે કોઇ અજાણ્યા ચોર ઈસમે કમ્પાઉન્ડમાં પ્રવેશી કમ્પાઉન્ડમાં મૂકેલા આઇ. સો. લેટર સામાન જેની કુલ કિંમત રૂપિયા ૩૩,૩૦,૧૩૨ થાય છે તે સામાનની ચોરી કરી પલાયન થઈ ગયો હતો. ઘટના સંદર્ભે ગતરોજ વર્ષાબેન સુરેન્દ્રસિંહ ગંભીર સિંહ વાસદિયા હાલ રહે. શુકલતીર્થ તા. જિ. ભરૂચ મુળ રહે. શીવાણ તા.ઓલપાડ જિ. સુરત નાઓએ નબીપુર પોલીસ મથકમાં ફરીયાદ નોંધાવતા પોલીસે તપાસના ચક્રો ગતિમાન કર્યા છે.
યાકુબ પટેલ, ભરૂચ
