ભરૂચ જિલ્લામાંથી પસાર થતા રાષ્ટ્રીય ધોરીમાર્ગ નંબર ૪૮ પર આવેલા ભરૂચના નબીપુર નજીક અજાણ્યા વાહનની ટક્કરે મોટર સાયકલ સવારને ઈજાઓ થવા પામી હતી. પ્રાપ્ત માહિતી અનુસાર ભરૂચ તાલુકાના શાહપુરા ગામના રહીશ હિતેશભાઈ ભીખાભાઇ પટેલ નબીપુરથી પોતાના ગામ જવા નબીપુર ઝનોર ચોકડીથી મોટરસાયકલ લાઇ પસાર થઈ રહયા હતા. તે દરમ્યાન કોઈ અજાણ્યા વાહને ટક્કર મારી હતી. સર્જાયેલા અકસ્માતમાં મોટરસાયકલ ચાલકને ઇજાઓ થતા તેમને નબીપુર સાર્વજનિક હોસ્પિટલ ખાતે ખસેડયા હતા. આ મામલે પોલીસ તપાસ ચાલુ છે. નબીપુર – ઝનોર ચોકડી ઉપર અવારનવાર અકસ્માતો થતા હોય સ્પીડ બ્રેકર બનાવવા જરૂરી બની ગયા છે. તંત્ર દ્વારા નબીપુર – ઝનોર ચોકડી પાસે સ્પીડ બ્રેક્રર મૂકવા લોકમાગ ઉઠવા પામી છે.
યાકુબ પટેલ, પાલેજ
Advertisement
