ભરૂચ તાલુકાના કિશનાડ ગામમાંથી મગરનું રેસ્ક્યુ કરાયું.

ભરૂચ તાલુકાના કિશનાડ ગામના મુખ્ય માર્ગ ઉપર ગત મોડી રાત્રીના એક મગરે દેખા દેતા ગ્રામજનોમાં ભારે ફફડાટ વ્યાપી જવા પામ્યો હતો. મગર દેખાયાની જાણ સરપંચ મહેશ પાટણવાડીયાને થતા તેઓએ વન વિભાગને જાણ કરતા વન વિભાગના કર્મીઓ કિશનાડ ગામે આવી પહોંચ્યા હતા. વન વિભાગના કર્મીઓ દ્વારા ભારે જહેમત ઉઠાવી મગરનું રેસક્યું કરવામાં આવ્યું હતું. મગર જાહેર માર્ગ ઉપર આવી જતા ગ્રામજનો મગરને નિહાળવા મોટી સંખ્યામાં એકત્ર થયા હતા. વન વિભાગ દ્વારા મગરનું રેસ્કયું કરાતા ગ્રામજનોએ હાશકારો અનુભવ્યો હતો.