આત્મ મલિક ક્રિકેટ ટુર્નામેન્ટ શિરડી-મહારાષ્ટ્ર દ્વારા આયોજીત U-16 ક્રિકેટ ટુર્નામેન્ટમાં ભરૂચની ટીમ વિજેતા બની

આત્મ મલિક ક્રિકેટ ટુર્નામેન્ટ શિરડી-મહારાષ્ટ્ર દ્વારા દર વર્ષે U-16 ક્રિકેટ ટુર્નામેન્ટનું આયોજન થાય છે જેમાં આ વર્ષે ગુજરાત રાજ્યમાંથી ભરૂચ જિલ્લાની ક્રિકેટ ટીમે ભાગ લીધો હતો. આ ઉપરાંત અન્ય પાંચ રાજ્યની ક્રિકેટ ટીમો એ પણ ભાગ લીધો હતો.

જેમાં ગુજરાત રાજ્યના ભરૂચ જિલ્લાની U-16 ક્રિકેટ ટીમે ખુબ જ સુંદર પર્ફોમન્સ કરી ફાઇનલમાં પહોંચ્યા હતા. આ ઉપરાંત ગુજરાત-ભરૂચ તથા મુંબઈ-પવાઈ વચ્ચે ફાઇનલ ક્રિકેટ મેચ રમાઈ હતી. જેમાં ગુજરાત રાજ્યની ભરૂચની ટીમ વિજેતા બની ભરૂચ જિલ્લાનું તથા ભરૂચ U-16 ક્રિકેટ એસોસિએશનનું ગૌરવ વધાર્યુ છે.

આ મેચમાં મેન ઓફ ધ મેચ તરીકે પવિત્ર ગર્ગની પસંદગી થઈ હતી તથા મેન ઓફ ધ સિરીઝ તરીકે મલ્હાર પટેલની પસંદગી થઈ હતી તેમજ ઈમેઝિંગ પ્લેયર તરીકે પ્રિત ગાંધીની પસંદગી થઈ હતી. આ ક્રિકેટ મેચમાં કેપ્ટન તરીકે યુગ પટેલ દ્વારા મહત્વની જવાબદારી અદા કરી નેતૃત્વ પૂરું પાડ્યું હતું. ક્રિકેટ કોચ મિનેશસિંહ મકવાણાના માર્ગદર્શન હેઠળ ક્રિકેટ ટીમના તમામ ખેલાડીઓએ પોતાનું વક્તવ્ય પ્રદર્શિત કર્યું હતું. આ સંદર્ભે કોચ સહિત તમામ ખેલાડીઓ ભરૂચ ક્રિકેટ એસોસિએશનનો આભાર વ્યક્ત કરે છે.