પાલેજ નજીક આવેલા કરજણ તાલુકાના સાંસરોદ ગામ પાસેથી પસાર થતા રાષ્ટ્રીય ધોરીમાર્ગ નંબર ૪૮ ની બાજુમાં આવેલા એક સર્વિસ સ્ટેશન કમ ગેરેજમાં ગત રાત્રીના આગ ભભુકી ઉઠતા અફરાતફરી સાથે ભારે દોડધામ મચી જવા પામી હતી. પ્રાપ્ત માહિતી અનુસાર એમ. એચ. કાર વોશ સર્વિસ સ્ટેશન કમ ગેરેજમાં આગ ભભુકી ઉઠી હતી.
આગના પગલે કાળા ધુમાડાના ગોટેગોટા ઊંચે આકાશ તરફ જતા નજરે પડ્યા હતા. ઘટનાની જાણ કરજણ ફાયર વિભાગને કરાતા તાત્કાલિક ધોરણે કરજણ ફાયર બ્રિગેડના કર્મીઓ ઘટના સ્થળે પહોંચી ગયા હતા અને આગ પર પાણીનો મારો ચલાવી આગ પર કાબુ મેળવ્યો હતો. ઘટના સ્થળે લોકટોળા પણ એકત્ર થયા હતા. લાગેલી આગમાં કેટલું નુકસાન થયું તે જાણવા મળ્યું નથી. સદનસીબે જાનહાની ટળી જતા લોકોએ હાશકારો અનુભવ્યો હતો.
યાકુબ પટેલ, કરજણ
Advertisement
