વાગરા તાલુકાના ઓચ્છણ ગામના વળાંક પર વારંવાર અકસ્માતના બનાવો બની રહ્યા છે ત્યારે વળાંક પાસે સ્પીડ બ્રેકર મુકવા અંગે માંગ ઉભી થઇ રહી છે. તાજેતરમાં પણ એક અકસ્માત સર્જાયો હતો જેમાં બોલેરો ગાડીના ચાલકે બેજવાબદારી ભરેલ ડ્રાઇવિંગ કરતા બાઇકને ફંગોળી હતી આ બનાવમાં બે લોકો ગંભીર રીતે ઘવાયા હોવાનું જાણવા મળી રહ્યું છે.
વાગરા તાલુકાના ઓચ્છણ ગામમાંથી બહાર નીકળતા બાઈક સવાર બે ઇસમોને બોલેરોના ચાલકે અડફેટમાં લીધા હતા. જોકે આ બનાવમાં બોલેરો સહિત બાઈક પણ રોડની સાઈડમાં કાંસમાં ખાબકી હતી, હાલ આ બનાવમાં ઇજાગ્રસ્તોને સારવાર હેઠળ વાગરા આરોગ્ય કેન્દ્ર ખાતે ખસેડવામાં આવ્યા છે. આ ઘટનામાં અત્યાર સુધી કોઈ જાનહાની થવા પામી નથી. આ બનાવની જાણ વાયુવેગે ફેલાઈ હતી બનાવને પગલે ઘટના સ્થળે લોકટોળા ઉમટી પડ્યા હતા. બનાવ અંગે પોલીસ કાયદેસરની કાર્યવાહી કરી રહી છે.
Advertisement
નઈમ દિવાન-વાગરા
