વાગરા તાલુકાના વિછીયાદ ગામ ખાતે સહકારી ડેરીમાં ગામનાં પશુપાલક ઉસ્માન ઉંમરજી પટેલ દૂધ ભરવા આવતા ડેરીના સભ્ય ઘનશ્યામ સિંહ યાદવે તારું દૂધ પાણી વાળું આવે છે તેમ કહી દૂધ ભરવાની ના પાડી ગાળાગાળી કરી ઝઘડો કરતા મામલો પોલીસ મથકે પહોંચ્યો છે. દૂધ ભરવા આવેલ પશુપાલક ઉસ્માન ઉમરજી પટેલે ઘનશ્યામ સિંહ યાદવ, ભવદીપ સિંહ યાદવ, પ્રદીપ સિંહ યાદવ અને દીપ સિંહ યાદવ વિરૂદ્ધ વાગરા પોલીસ મથકમાં ફરિયાદ કરતી અરજી કરી ન્યાયની માંગ કરી છે. ઉલ્લેખનીય એ છે કે ઘટના અંગે સામસામે ફરિયાદ થતાં વાગરા પોલીસે ઘનશ્યામ સિંહ યાદવનાઓની ફરિયાદ લઈ ઉસ્માન ઉમરજી પટેલ સહિત ૪ લોકો વિરુદ્ધ FIR દાખલ કરી છે, જો કે સામા પક્ષની હજુ સુધી FIR રજીસ્ટર નહિ થતાં અનેક તર્કવિતર્ક સર્જાઇ રહ્યા છે.
Advertisement
