ભરૂચ લોકસભા બેઠક પર રસપ્રદ જંગ જામે તેવા એધાંણ,બેઠક ના રાજકીય ધમાસાણ માં છોટુ વસાવા ની એન્ટ્રી
-ભરૂચ લોકસભાના જંગ માં રંધાઈ નવી રાજકીય ખીચડી..?
ઝઘડિયા ના પૂર્વ ધારાસભ્ય છોટુ વસાવા બેઠક પર નવા જૂની કરે તેવી શક્યતા સેવાઈ રહી છે, તાજેતર માંજ ડેડીયાપાડા ના પૂર્વ ધારાસભ્ય બીટીપી ના મહેશ વસાવા એ સી, આર પાટીલ સાથે મુલાકાત કર્યા બાદ થી છોટુ વસાવા હવે એક્શનમાં આવ્યા છે,
છોટુભાઈ વસાવા એ ધારોલી ખાતે ના તેઓના ફાર્મ હાઉસ ઉપર પાયા ના કાર્યકરો સાથે એક મહત્વની મિટિંગ યોજી નવી પાર્ટી તૈયાર કરવાની રણનીતિ ઘડી હોવાનું કહેવાય રહ્યું છે,સાથે સાથે ઇન્ડિયા ગંઠબંધન, ભાજપ અને મહેશ વસાવા ના સ્ટેન્ડ મુદ્દે પણ આ મિટિંગ માં ચર્ચાઓ કરવામાં આવી હતી,
છોટુભાઈ ની આ મિટિંગ બાદ થી ચર્ચાઓ એ જોર પકડ્યું છે કે શું…છોટુ વસાવા નવી પાર્ટી ઉંભી કરી ભરૂચ લોકસભા બેઠક પર ચૂંટણી જંગ માં ઉતરશે..? નવા સંગઠન અને પાર્ટી થકી પુત્ર દિલીપ વસાવા ને ચૂંટણી ના જંગ માં ઉમેદવાર તરીકે ઉભા રાખશે..? તેવી અનેક ચર્ચાઓ એ છોટુભાઈ વસાવા ની મિટિંગ બાદ થી જોર પકડ્યું છે,
જો આમ થાય તો ભરૂચ લોકસભા બેઠક ઉપર વસાવા VS વસાવા VS વસાવા વચ્ચે ખરા ખરી નો જંગ જામી શકે છે તેમજ બેઠક પરના આદિવાસી મતો ત્રણ કે ચાર ભાગ માં પણ વહેંચાઈ શકે તેવી સંભાવના ઓ ને પણ નકારી શકાય તેમ નથી તેવું રાજકીય વિસલેષકો માની રહ્યા છે,
