ભરૂચ ના મહાદેવ નગર સોસાયટીમાં બોલેરો પીક અપ માં ચોર ખાના માંથી ભારતીય બનાવટ ના વિદેશી દારૂના જથ્થા સાથે બે ઈસમોને ઝડપી પાડતી પોલીસ
ભરૂચ જિલ્લા માં દારૂ -જુગાર જેવી પ્રવુતિઓ દિન પ્રતિદિન વધતી જઈ રહી હોવાનું કહેવાય રહ્યું છે,કેટલાક સ્થળે જ્યાં બુટલેગરો બિન્દાસ અંદાજ માં પોતાનો નશાનો વેપલો ધમ ધમાવી રહ્યા છે તો કેટલાક ઉપર પોલીસ વિભાગ લાલ આંખ કરી તેઓની જેલ ના સળીયા પાછળ ધકેલવામાં આવી રહ્યા છે, તેવામાં ભરૂચ ક્રાઇમ બ્રાંચ ના પોલીસ મથક ના કર્મીઓને સફળતા હાસિલ થઈ છે,
ક્રાઇમ બ્રાંચ ના કર્મીઓ પેટ્રોલિંગ માં હતા દરમ્યાન મળેલ બાતમીના આધારે ભરૂચ સી ડિવિઝન પોલીસ મથક ની હદ વિસ્તાર માં આવેલ મહાદેવ નગર સોસાયટી ખાતે દરોડા પાડ્યા હતા જ્યાં MH 15 GV 8572 નંબર ની બોલેરો પીક અપ માં તપાસ કરવામાં આવતા પીક અપ માં ચોર ખાનું બનાવી લાવવામાં આવેલ ભારતીય બનાવટ નો વિદેશી દારૂનો જથ્થો મળી આવ્યા હતો,
ક્રાઇમ બ્રાંચ દ્વારા મામલે ધ્રુવ ઉર્ફે જીલુ નિલેશભાઈ પટેલ રહે, મહાદેવ નગર સોસાયટી, જ્યોતિ નગર ભરૂચ તેમજ પિન્ટુ કુમાર સુંદર લાલ મિસ્ત્રી રહે, મહાદેવ નગર ભરૂચ નાઓને ઝડપી પાડી મામલે કુલ 6 લાખ 39 હજાર નો મુદ્દામાલ કબ્જે કરી બુટલેગરો નિલેશ વિનોદ ભાઈ મિસ્ત્રી રહે,પુષ્પધન બંગ્લોઝ, ભરૂચ નાને વોન્ટેડ જાહેર કરી તમામ સામે કાયદેસર ની કાર્યવાહી હાથ ધરવામાં આવતા નશાનો વેપલો કરતા તત્વોમાં ફાફડાટ નો માહોલ છવાયો છે,
