ભરૂચની જે.પી.કોલેજ સ્થિત અતુલાનંદજી ઓડિટોરિયમ ખાતે શ્રમ અને રોજગાર વિભાગ દ્વારા ભરતી મેળાનું આયોજન કરવામાં આવ્યું.

આજરોજ ભરૂચની જે.પી.કોલેજ સ્થિત અતુલાનંદજી ઓડિટોરિયમ ખાતે શ્રમ અને રોજગાર વિભાગ, રોજગાર અને તાલીમ વિભાગ, ગાંધીનગર તથા જિલ્લા રોજગાર કચેરી, ભરૂચ દ્વારા ક્લસ્ટરવાઇઝ ભરતી મેળાનું આયોજન કરવામાં આવ્યું હતું. ક્લસ્ટરવાઇઝ ભરતી મેળામાં કુલ ૩૧ નોકરીદાતાઓ હાજર રહી તેઓ દ્વારા કુલ ૨૩૬૫ ઉમેદવારોની પ્રાથમિક પસંદગી થવા પામી હતી. આ પ્રસંગે ભરૂચના ધારાસભ્ય દુષ્યંત પટેલ તથા વાગરાના ધારાસભ્ય અરુણસિંહ રણાના હસ્તે વિશેષ પ્લેસમેન્ટને ધ્યાનમાં રાખી નોકરીદાતાઓને પ્રશંસાપત્ર તેમજ ઉમેદવારોને રોજગાર એનાયત પત્રો અર્પણ કરવામાં આવ્યા હતા.