જંબુસરમાં ટેકાનાં ભાવે તુવેર વેચવા ખેડૂતોની કતાર લાગી

વહેલી સવારથી રાત સુધી રાહ જુઓવી પડે તેવો ઘસારો

જંબુસર તાલુકામાં સરકારના ટેકાના ભાવ પર તુવેર ખરીદી શરૂ થતાં ખેડૂતોમાં ઉમટ જોવા મળી રહી છે. ગુજરાત એગ્રો નામની એજન્સી દ્વારા યુનિયન જીનની બાજુના કમ્પાઉન્ડમાં તુવેર ખરીદી કાર્ય કરવામાં આવી રહ્યું છે.ખાસ કરીને વહેલી સવારથી જ ખેડૂતો પોતાના ટેક્ટરોમાં તુવેર ભરીને લાઈનમાં લાગી જાય છે.

દિવસભર રાહ જોતા રહેવા છતાં પણ તમામ ખેડૂતોની તુવેર ખરીદાઈ શકે તેવી વ્યવસ્થા અપૂરતી જણાઈ રહી છે.હાલ સુધીમાં અંદાજે 3,000 બેગની તુવેર ખરીદી કરવામાં આવી છે. 7,550 રૂપિયાના ટેકાના ભાવે ખેડૂતો પાસેથી ખરીદી ચાલુ છે, જેને લઈ ખેડૂતોમાં ઉત્સાહ જોવા મળ્યો છે. ખેડૂતોનો સારો પ્રતિસાદ મળ્યો છે. અમે પ્રયત્નશીલ છીએ કે વહેલી તકે વધુથી વધુ ખરીદી પૂર્ણ કરી શકાયતેમ સંચાલકોએ જણાવ્યુ હતું