ભરૂચના ઝાડેશ્વર રોડ પર ઉમાભવન પાસે બનેલી ઘટના
ભરૂચ.
ભરૂચની ઝાડેશ્વર રોડ પર આવેલી ચિત્રકૂટ -2 સોસાયાટીમાં રહેતાં ભાવિક દિપક જૈન આનંદ હોટલ પાસે એક્ઝુક્યુટીવ કાર સ્પા નામની દુકાન ચલાવે છે. જ્યારે તેમની પત્ની બિજલકુમારી ઝાડેશ્વર રોડ પર આવેલાં ઉમાવભન પાસે એક્ઝુક્યુટીવ કાર સ્પા-2 નામની દુકાન ચલાવે છે. તેઓ તેમની દુકાને હતાં. તે વેળાં તેમની પત્ની બિજલકુમારીએ તેમને ફોન કરી જણાવ્યું હતું કે, આપણી ઉમાભવન પાસેની કાર સ્પાની પાછળ હું કચરો સળગાવતી હતી. તે વેળાં નવીનપાર્કમાં રહેતાં હરદેવ સંધવે તેમનો વિડીયો ઉતારી તમે અહીં કેમ કચરો સળગાવો છો તેમ કહે છે તેમ કહેતી હતી. તે વેળાં હરદેવએ તેમની પત્નીનો ફોન લઇને તેમને ત્યાં આવવા કહેતાં તેઓ ત્યાં પહોંચ્યાં હતાં. તેમનીદુકાનેતેમની પત્ની સતેમજ હરદેવ અને તેમનો પુત્ર ભુમિત પણ બેઠો હતો. તેમજ સ્ટાફના પાંચેક છોકરા હાજર હતાં. તેઓ વચ્ચે વાતચિત ચાલી રહી હતી તે વેળાં હરદેવની પત્નીએ તેમના ઘરના ટેરેસ પરથી ભાવિકના કર્મીઓને સંબોધીને જાતિવિષયક અપશબ્દો ઉચ્ચારતાં તેમને તેમ ન કરવા કહેતાં હરદેવ અને ભુમિત ઉશ્કેરાઇ ગાયં હતાં. તેઓએ હુમલો કરતાં તેમના ત્યાં કામ કરતાં હિમાંશુના મિત્ર યશને મારવા લાગ્યાં હતાં તેમજ ભુમિતે તેના હાથમાં પહેરેલાં કડાથી તેનામાથામાં મારી ગંભીર ઇજાઓ કરી હતી. હરદેવની પત્નીએ ભાવિકની પત્નીને માર માર્યો હતો. ઇજાગ્રસ્તોને ભરૂચ સિવિલ હોસ્પિટલમાં ખસેડાયાં હતાં. બનાવ સંદર્ભે તેમણે ભરૂૂચ સી ડિવિઝન પોલીસમાં ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે.
