ભરૂચ.
અંક્લેશ્વર બી ડિવિઝન પોલીસ સ્ટેશનના પીઆઇ વી. યુ. ગડરિયા અને તેમની ટીમે પેટ્રોલીંગ વેળાં અંસારમાર્કેટ પાસેથી બે શખ્સોને સીસું (જસત)ની 20 કિલોની એક એવી 31 પ્લેટ સાથે ઝડપી પાડ્યાં હતાં. તેમની પ્રાથમિક પુછપરછમાં તેમણે કબુલ્યું હતું કે, તેમણે સીસાની પ્લેટો જીએસટી વિભાગ દ્વારા જપ્ત કરી અંક્લેશ્વર મામલતદાર કચેરી ખાતે કંમ્પાઉન્ડમાં પાર્ક કરેલી ટ્રકમાંથી ચોરી કરી લાવ્યાં હોવાનું તેમજ અન્ય પ્લેટોને ઓગાળીને તેને તગારા જેવા આકારમાં રૂપાંતરિત કરી અંસારમાર્કેટમાં બિલાલ અહેમદ શાહને વેચ્યાનું કબુલતાં ટીમે બિલાલના ગાડાઉન પરથી પણ કુલ 3.46 લાખનો 1730 સીસાનો જથ્થો મળી આવતાં તે રિકવર કર્યો હતો. ટીમે તેમની પાસેથી કુલ 21.95 લાખનો જથ્થો જપ્ત કરી ચોરીના કારસામાં સંડોવાયેલાં અલાઉદ્દીન ઉર્ફે ટીપુ જલીલ કુરેશી, ઇમરાન અકબર મુન્શી ચૌધરી, બિલાલ અહેમદ શાહ, આસીફ અબ્દુલબારી ચૌધરી તેમજ અભિષેક ઉર્ફે સાહિલ નંદન સિંગ નામના પાંચ જણાને ઝડપી પાડ્યાં હતાં. જ્યારે સલમાન છીનું ચૌધરી, ઓરખાન, નવસાદ, એઝાજ, ગુલ્ફાન, ફિરદોશ અલી ઉર્ફે બ્લેક ટાઇગર, ચારભુજા ટ્રેડર્સના માલિકને વોન્ટેડ જાહેર કર્યાં હતાં.
