હાલ દેશભરમાં ઉજ્જવલા યોજના હેઠળ ગરીબ પરિવારોને ગેસ જોડાણો આપવામાં આવી રહ્યા છે. જેના ભાગરૂપ ભરૂચ જીલ્લાનાં આમોદ તાલુકાનાં રોઝા ટંકારીયા ગામે ગેઇલ ઈન્ડિયા લિમિટેડ ગંધાર દ્વારા વર્ષ 2019-20 નાં નાણાંકીય વર્ષ અંતર્ગત ગામના 114 જેટલા પરિવારોને ગેસ જોડાણ આપવામાં આવ્યા હતા જેમાં ગેસ સગડી, સિલિન્ડર સહિતનો તમામ સામાન આપવામાં આવ્યો હતો.
આ પ્રસંગે ગેઇલ કંપનીના ચીફ જનરલ મેનેજર એસ.કે.મુસલગાંવકર, ગામનાં સરપંચ તાલુકા પંચાયતના સભ્ય ગ્રામજનો હાજર રહ્યા હતા. આ પ્રસંગે સુરક્ષા તાલીમ અને માર્ગદર્શન આમોદ ઈન્ડિયન ગેસ દ્વારા આપવામાં આવી હતી.
Advertisement
