દહેજના રિલાયન્સ રોડ પર પર બનેલી ઘટના : અન્ય એકને ઇજા
ભરૂચ.
દહેજના ટાવર ફળિયામાં રહેતાં સંજય માધવ વાળંદ સવારે તેમની બાઇક પર તેમના સાઢુભાઇના 16 વર્ષિય પુત્ર હિમાંશુ નરેન્દ્ર વાળંદને બેસાડીને વાડિયા પાણીની ટાંકી પાસે આવેલી રાજસ્થાન સ્વિટની દુકાનમાં નાસ્તો લેવા માટે ગયાં હતાં. જ્યાંથી નાસ્તો લીધાં બાદ તેઓ પરત ઘરે જઇ રહ્યાં હતાં. તે વેળાં દહેજ રિલાયન્સ રોડ તરફનો રસ્તો ખરાબ હોવા છતાં એક ટેન્કર ચાલકે તેનું ટેન્કર પુરઝડપે અને ગફલતભરી રીતે હંકારી લાવી તેમની બાઇકને ટક્કર મારતાં બન્ને રોડ પર ફંગોળાઇ જઇ જમીન પર પટકાયાં હતાં. જેના કારણે 16 વર્ષીય હિમાંશુના માથા પરથી ટેન્કરના વચ્ચેના બે ટાયર ફરી વળતાં તેનું માથું ચકદાઇજતાં તેનું ઘટના સ્થળે જ મોત નિપજ્યું હતું. ઘટનામાં સંજય વાળંદને પણ નાની મોટી ઇજાઓ થઇ હતી. અકસ્માત સર્જ્યા બાદ ટેન્ક રચાલક ત્યાંથી નાસી છુટ્યો હતો. બનાવને પગલે તેમણે દહેજ પોલીસ મથકે ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે.
