અંકલેશ્વર પોલીસે રેલવે સ્ટેશન પાસેથી થયેલી બાઈક ચોરીના કેસમાં એક આરોપીની ધરપકડ કરી છે. પોલીસે કોસમડીના સફેદ કોલોનીના રહેવાસી સુનિલ પરબત નાયકને પ્રતિન ચોકડી પાસેથી ઝડપી પાડ્યો છે આ કેસની વિગતો મુજબ, પીરામણ ગામના ટાવર બિલ્ડિંગના રહેવાસી મુકેશ રામસિંગ ડામોરે તેમની બાઈક (નંબર-જી.જે.20.એ.એફ.8204) 13મી સપ્ટેમ્બરના રોજ અંકલેશ્વર રેલવે સ્ટેશન પાસે રોડની સામે દીવાલ નજીક પાર્ક કરી હતી. તેઓ પોતાના વતન દાહોદ ગયા હતા ત્યારે આ બાઈકની ચોરી થઈ હતી.ફરિયાદ બાદ શહેર એ ડિવિઝન પોલીસે ગુનો નોંધી તપાસ શરૂ કરી હતી. ભરૂચ એલસીબીએ આરોપીને ઝડપી પાડ્યો છે અને તેની વિરુદ્ધ કાયદેસરની કાર્યવાહી શરૂ કરી છે.
Advertisement
