મજાકમાં એક બાળકને સપાટો મારતાં મામલો ગરમાયો
ભરૂચ.
અમલેશ્વર ગામના નવીનગરી વિસ્તારમાં રહેતાં જયમલ કરશન રાઠોડ તેમના ઘરે હતાં તે વેળાં તેમનો ભત્રીજો રોહિત ફળિયાના છોકરાઓ સાથે રમતો હતો. તે વેળાં ફળિયામાં રહેતો અનિકેત રાઠોડ ત્યાંથી પસાર થતો હતો. તે વેળાંતેણે તેના હાથમાંથી પ્લાસ્ટીકની પાઇપ તેમના ભત્રીજા રોહિતનેપગમાં મારી દેતાં તે રડવા લાગ્યો હતો. જેથી જયમલે અનિકેતને ઠપકો આપ્યો હતો કે, નાના છોકરાને કેમ મારે છે.તો તે અપશબ્દો બોલતો તેના ઘરે જતો રહ્યો હતો. જેથી તે પણ ભત્રીજાને ઘરે મુકી આવ્યો હતો. અરસામાં બપોરના સમયે તે અને તેની પત્ની ખેતરમાં બકરાચરાવવા ગયાં તે વખતે અનિકેત રાઠોડ તેમ તેનો મામો નગીન બુધા રાઠોડ તેમની પાસે આવ્યાં હતાં. નગીને તે મારા ભાણીયાને કેમ માર્યો કરી તેની સાથે ઝઘડો કરવા લાગ્યો હતો. મામલો ગરમાતાં તેઓએ બન્નેએ મળી તેમને માર માર્યો હતો. તેવામાં તેમનું ઉપરાણું લઇ શકુ રાઠો તેમજ શારા રાઠોડે આવી તેમણે તેની પત્નીને માર માર્યો હતો. ઇજાગ્રસ્તને ભરૂચ સિવિલમાં સારવાર અર્થે ખસેડાયો હતો.
બનાવને પગલે નગીને પણ ફરિયાદ નોંધાવી હતી કે, તેમના ભાણેજ અનિકેત રાઠોડે ફળિયામાં રમતાં છોકરા પૈકી એકને મજાકમાં લાકડી મારતાં તે રડવા લાગ્યો હતો. જેથી જયમલ રાઠોડે તેને મારા ભત્રીજાને કેમ મારે છે કહીં અપશબ્દો ઉચ્ચાર્યાં હતા. જેના પગલે તે જયમલને સમજાવવા જતાં જયમલે તેમના પર હુમલો કરી ગંભીર ઇજાઓ પહોંચાડી હતી. ઇજાગ્રસ્તને ભરૂચ સિવિલમાં ખસેડાયાં હતાં.
