અંકલેશ્વર અને હાંસોટ તાલુકામાં કમોસમી વરસાદને કારણે ખેડૂતોના પાકને ભારે નુકસાન થયું છે. અચાનક પડેલા વરસાદથી અનેક ખેતરોમાં પાણી ભરાઈ ગયા છે, જેના પરિણામે ખેતીને મોટો ફટકો પડ્યો છે. ડ્રોન કેમેરા દ્વારા લેવાયેલા દૃશ્યોમાં કપાસ, તુવેર અને કઠોળના પાકને થયેલું નુકસાન સ્પષ્ટ દેખાય છે. ખાસ કરીને રસ્તાઓ પર સૂકવવા મૂકેલો ડાંગરનો પાક પણ વરસાદથી પ્રભાવિત થયો છે. ખેડૂતોના જણાવ્યા અનુસાર, ખેતરોમાં સૂકવવા મૂકેલી ડાંગરની ચોળી વરસાદથી પલળી જતાં અનાજ બગડી ગયું છે. આના કારણે ઘણા ખેડૂતોની મહેનત અને ખર્ચ નિરર્થક સાબિત થયા છે.
Advertisement
