ભોલાવની હરિદ્વાર સોસાયટીમાં બનેલી ઘટના
ભરૂચ.
ભરૂચના ભોલાવ ખાતે આવેલી હરિદ્વાર સોસાયટીમાં રહેતો ફેનિલ અર્જૂન સોલંકી પાંચબત્તી વિસ્તારમાં આવેલી જીવન જ્યોત હોસ્પિટલમાં કામ કરે છે. તે ગઇકાલે રાત્રીના અગિયાર વાગ્યાના અરસામાં નોકરી પર હતો. તે વેળાં તેના ભાઇએ તેને ફોન કર્યો હતો. તેણે જણાવ્યું હતું કે, આપણી સોસાયટીમાં રહેતાં સુમિત પ્રવિણ સોલંકી સાથે તેઓ મસ્તી કરતાં હતાં. તે વેળાં સુમિતે ઉશ્કેરાઇ જઇ તેની સાથે ઝઘડો કર્યો છે. તું જલદી ઘરે આવ. જેથી તે ઘરે જવા નિળક્યો હતો.દરમિયાનમાં રસ્તામાં તેમની સોસાયટીના મેઇન ગેટ પાસે સુમિત ઉભેલો દેખાતાં તેણે તેને તું મારા ભાઇ આદિત્ય સાથે કેમ ઝઘડો કરતો હતો. આપણે તે બાબતે વાત કરી લઇએ તેમ કહેતાં સુમિત ઉશ્કેરાઇ ગયો હતો. તેણે ફેનિલને અપશબ્દો ઉચ્ચારી તેની સાથે ઝપાઝપી કરવા લાગ્યો હતો. દરમિયાનમાં સુમિતનું ઉપરાણું લઇને તેના કાકા કમલેશ ચિમન સોલંકી બેટ લઇને ત્યાં આવી પહોંચ્યાં હતાં. તેમણે તેને બેટથી માર મારી ઇજાઓ પહોંચાડી હતી. અરસામાં સોસાયટીના લોકો દોડી આવતાં તેઓએ તેને છોડાવ્યો હતો. ઇજાગ્રસ્તને સારવાર માટે ભરૂચ સિવિલ હોસ્પિટલમાં ખસેડવામાં આવ્યો હતો. બનાવ સંદર્ભે ભરૂચ સી ડિવિઝન પોલીસે ગુનો નોંધી આગળની કાર્યવાહી હાથ ધરી છે.
