ભરૂચ એલ.સી.બી. પોલીસે પાનોલી જીઆઇડીસી માંથી દેશી બનાવટના બે તમંચા તથા બે જીવતા કારતુસ સાથે બે શખ્સોને આબાદ ઝડપી પાડયા હતા.

ભરૂચ એલ.સી.બી પોલીસની ટુકડી પાનોલી જીઆઇડીસી વિસ્તારમાં પેટ્રોલીંગમાં હતી તે દરમ્યાન હે.કો. પરેશ તેમજ પો.કો.મહેશને બાતમી મળી હતી કે બે ઇસમો પાનોલી જીઆઇડીસી વિસ્તારમાં તમંચા સાથે ફરી રહ્યા છે જેના આધારે વોચમાં રહી બે ઇસમો
અઝીઝ અહેમદ શેખ રહેવાસી પ્રતિષ્ઠા રેસીડેન્સી, કાપોદ્રા,અંકલેશ્વર તેમજ મોહમંદ મુસ્લીમ શાહ રહે.ઉત્તરપ્રદેશ ને ઝડપી પાડયા હતા.
તેમની અંગ જડતી દરમ્યાન પોલીસને બે દેશી બનાવટના તમંચા કિંમત રૂ.10,000 બે નંગ જીવતા કારતુસ કિંમત રૂ.100, એક મોબાઈલ કિંમત રૂ.10,000 મળી આવ્યા હતા. પોલીસે બંને શખ્સોની અટકાયત કરી આર્મ્સ એકટ અંતર્ગત ગુનો દર્જ કરી વધુ પૂછપરછ હાથ ધરી છે.