છોટાઉદેપુર લોકલ ક્રાઇમ બ્રાન્ચે ઘેલવાંટ ગામ પાસેથી રૂપિયા ૧,૮૨,૭૯૬ નો વિદેશી દારૂનો જથ્થો ઝડપી પાડયો હતો. વી.બી. કોઠીયા પોલીસ ઇન્સ્પેક્ટર લોકલ ક્રાઇમ બ્રાન્ચ છોટાઉદેપુર નાઓના માર્ગદર્શન હેઠળ પોલીસ સબ ઇન્સ્પેકટર આર.એસ.ડામર તથા પોલીસ સ્ટાફના માણસો પેટ્રોલિંગમાં હતા. તે દરમિયાન બાતમી મળેલ બાતમીના આધારે એલ.સી.બી પોલીસ ટીમ દ્વારા ઘેલવાંટ ગામ પાસે વોચ રાખી હતી ઉપરોક્ત ગાડી આવતા ગાડીને ઝડપી પાડી રૂપિયા ૧,૮૨,૭૯૬ નો ભારતીય બનાવટનો વિદેશી દારૂ તથા હેરાફેરીમાં ઉપયોગમાં લીધેલ ટ્રક સાથે મોબાઈલ ફોન મળી કુલ રૂ. ૯,૮૬,૭૯૬ નો મુદ્દામાલ કબજે કરી અશોકભાઇ ભઇલાલભાઇ રાઠવા રહે.સુરા તા.હાલોલ જી.પંચમહાલ તેમજ કરશનભાઇ ઉર્ફે ક્રીષ્નાભાઇ સાલુરામ સેલાણા રહે. હાલોલ જી.પંચમહાલ નાઓની ધરપકડ કરી છોટાઉદેપુર પોલીસ મથકમાં ગુનો રજીસ્ટર કરાવ્યો હતો.
Advertisement
