છોટાઉદેપુર પોલીસ સ્ટેશનનાં સ્ટાફ દ્વારા તેજગઢ ગામેથી પલ્સર મોટરસાયકલ દ્વારા પાયલોટીંગ કરી બોલેરો ગાડીમાં લઈ જવાતો વિદેશી દારૂનો જથ્થો મળી કુલ કિં. રૂ ૬,૭૫,૨૦૦/- નો મુદ્દામાલ પકડી પાડવામાં આવ્યો હતો.  

પોલીસ સૂત્રો પાસેથી મળેલ વિગતો મુજબ ગતરોજ તા.૧૬/૦૮/૨૦૨૦ ના રોજ તેજગઢ ગામે છોટાઉદેપુર પો.સ્ટેના પો.ઇન્સ વી.એ.દેસાઇ સ્ટાફના માણસો સાથે વાહન ચેકીંગની કામગીરીમાં હતા તે વખતે બાતમી આધારે રજી. નંબર વગરની સફેદ કલરની મહિન્દ્રા બોલેરો ગાડીમાં લઈ જવાતો ગેરકાયદેસરનો ભારતીય બનાવટનો વિદેશી દારૂની બોટલ નંગ ૨૪૦ કિં.રૂ ૧,૧૫,૨૦૦/- તથા બોલેરો ગાડીની કિ.રૂ ૫,૦૦,૦૦૦/- તેમજ પ્રોહી મુદ્દામાલની હેરાફેરી કરાવવા ઉપયોગમાં લેવાયેલ બજાજ પલ્સર મોટર સાયકલ નંબર GJ-34-D-8123 ની કિ.રૂ ૬૦,૦૦૦/- ની મળી કુલ કિ.રૂ ૬,૭૫,૨૦૦/- નો મુદ્દામાલ પકડી પાડી કાયદેસરની કાર્યવાહી કરવામાં આવેલ છે. તેમજ બંને વાહનો છોડી નાશી જનાર ચાલકોને પકડી પાડવા ચક્રો ગતિમાન કરવામાં આવેલ છે. 

તૌફીક શેખ, છોટાઉદેપુર