દેડીયાપાડાથી સાગબારા તરફ જતા હાઇવે રોડની બાજુમાં એક ટ્રક પલ્ટી ખાઈ જતા અકસ્માત સર્જાયો હતો જેમાં મેડીયાસાગ હાઇવે પાસે ટ્રક પલ્ટી ખાઈ જતા અકસ્માતમાં એકનું મોત નીપજ્યું છે. આ અંગે ડેડીયાપાડા પોલીસ મથકમાં અકસ્માત મોતનો ગુનો નોંધાયો છે. જેમાં ફરિયાદી મોહનભાઇ નરસિંહભાઇ જાતે મહેશ્વરી રહે.તરા મહેશ્વરી વાસ તા.નખત્રાણા જિ.કચ્છ) એ આરોપી નરેન્દ્રવાન પરષોત્તમવાન ગોસ્વામી રહે.તરા તા.નખત્રાણા જિ.કચ્છ)સામે ફરિયાદ નોંધાઈ છે.
ફરિયાદની વિગત અનુસાર આરોપી-નરેન્દ્રવાન પરષોત્તમવાન ગોસ્વામીએ પોતાના કબજામાંની ટાટા ટ્રક નં.GJ-12-BW-3190 ની પૂરઝડપે અને ગફલતભરી રીતે હંકારી લાવી પોતાના કબજામાંની ટાટા ટ્રક નં.GJ-12-BW-3190 ની રોડની સાઇડમાં ઉતારી દેતા ટ્રક પલ્ટી ખાઈ ગઈ હતી જેમાં ચાલકના શરીરે કપાળના ભાગે તેમજ શરીરે ઓછી-વધતી ઇજાઓ થઈ હતી જયારે નરસિંહભાઇ જમનાદાસભાઇ મહેશ્વરી (રહે.તરા મહેશ્વરીવાસ તા.નખત્રાણા જિ.કચ્છ) ટ્રક નીચે દબાઇ જતા તેમના શરીરે ગંભીર મૂઢ ઇજાઓ થતા તેમનું ઘટના સ્થળ ઉપર જ મોત નીપજયું હતું. આ અંગે ડેડીયાપાડા પોલીસે અકસ્માત મોતનો ગુનો નોંધી કાયદેસરની કાયદેસરની કાર્યવાહી હાથ ધરી છે.
દીપક જગતાપ, રાજપીપલા
