દિનેશભાઇ અડવાણી
ખાખીના હાથ ફક્ત લાઠી જ નથી ચલાવતા, વિકટ સમયે આ હાથ અનેક જિંદગીઓ પણ બચાવતા હોય છે.આવી કટોકટીની ક્ષણોમાં જ્યારે આપ સૌ ફેમિલી સાથે બેસીને વાવાઝોડાની લેટેસ્ટ અપડેટ્સ મેળવતા હોવ છો ત્યારે આ ખાખીના ધરનારાઓ પોતાના પરિવારની ચિંતા કર્યા વિના અવિરત, ખડેપગે અન્યના પરિવારોનું રક્ષણ કરતા હોય છે.વાયુ વાવાઝોડાના પગલે દેવભૂમિ દ્વારકા પોલીસ દ્વારા કરવામાં આવેલી કામગીરી ખરેખર પ્રશંસનીય છે.ઉચ્ચ અધિકારીઓ સહિત તમામ ખડેપગે રહ્યા હતા.પોલીસે માલધારીઓના ગિદેડા પોતાની ગોદમાં લેવામાં પણ છોછ ન અનુભવ્યો અને ખાખીધારીઓ જરુર પડ્યે ટ્રેક્ટરના ડ્રાઈવર પણ બની ગયા હતા.ભીની ખાખીએ ધોધમાર વરસાદમાં ખેતરો પણ ખુંદયા અને પોલીસે રેકડીઓ પણ ચલાવી અને પોતાના જીવને જોખમમાં મૂકી દરિયાની ચોકીદારી પણ કરી.
Advertisement
