રાજકોટ-સુરત બાદ અમદાવાદના પ્રહલાદનગરમાં અમેરિકાથી આવેલી યુવતીનો કોરોના ટેસ્ટ પોઝિટિવ આવતાં તંત્ર દોડતું થયું છે, જોકે આ મામલે હજુ સત્તાવાર જાહેરાત કરાઈ નથી. સેટેલાઈટ વિસ્તારમાં રહેતી આ યુવતી અમેરિકાના ન્યૂયોર્કથી એક અઠવાડિયા પહેલાં જ પરત આવી હતી. તેનો કોરોના ટેસ્ટ કરવામાં આવ્યો હતો. આ ટેસ્ટ પોઝિટિવ આવતા ખળભળાટ મચી ગયો છે. ગુજરાતમાં સુરત અને રાજકોટમાં પણ 1-1 કેસ પોઝિટિવ મળતાં લોકોમાં ડર ફેલાઇ ગયો છે. અમેરિકાથી એક અઠવાડિયા પહેલાં પરત આવેલી યુવતીને કોરોના પોઝિટિવ આવવાથી ફફડાટ મચ્યો છે. શહેરમાં આવ્યાનાં 2 દિવસ બાદ તેને શંકાસ્પદ લક્ષણો જણાતા તેનો હોસ્પિટલમાં ટેસ્ટ કરાવ્યો હતો, તેનો લેબ રિપોર્ટ પુણે મોકલાયો હતો અને ગઈકાલે પુણેથી રિપોર્ટ આવ્યો હતો, આ રિપોર્ટ પોઝિટિવ હોવાનું જાણવા મળ્યું છે, હાલમાં તેના પરિવારજનોને પણ ક્વોરેન્ટાઈન કરાયા છે.
સૌજન્ય : અકિલા ન્યુઝ
ગુજરાતમાં કોરોના વાઇરસના ત્રણ કેસ પોઝિટિવ : રાજકોટ- સુરત પછી અમદાવાદમાં 1 કેસ નોંધાયો.
Advertisement
