ગયા વર્ષે મે મહિનામાં લોકડાઉનના કારણે વાહનોના વેચાણ પર અસર પડી હતી. તો આ વખતે મોટાભાગની ઓટો કંપનીઓના વેચાણમાં ઉછાળો જોવા મળી રહ્યો છે. ટાટા મોટર્સની વાત કરીએ તો તેના વેચાણમાં વાર્ષિક ધોરણે 3 ગણો વધારો જોવા મળ્યો છે.
મે મહિનામાં ટાટા મોટર્સના વેચાણમાં જબરદસ્ત વધારો થયો છે. નવા ડેટા અનુસાર, મે 2022 માં ભારતમાં અને વિદેશી બજારમાં ટાટા મોટર્સનું વેચાણ 76,210 વાહનોનું રહ્યું. જે મે 2021 માં 26,661 નું હતું. આ ઉપરાંત, કંપનીએ મે 2022 માં પેસેન્જર વ્હીકલ સેગમેન્ટમાં 43,341 કાર વેચી છે, જેમાં વેચાણમાં 185% ની વૃદ્ધિ થઈ છે. કંપનીએ ગયા વર્ષના આ જ મહિનામાં 15,181 પેસેન્જર વાહનો વેચ્યા હતા.
દેશની સૌથી મોટી કાર નિર્માતા કંપની મારુતિ સુઝુકીએ મે મહિનામાં 1,61,413 વાહનોનું વેચાણ કર્યું હતું. જ્યારે મે 2021 માં 46,555 યુનિટ વેચાયા હતા. ગયા મહિને કંપનીના સ્થાનિક વાહનોનું વેચાણ વધીને 1,34,222 યુનિટ થયું હતું જે મે 2021માં 35,293 યુનિટ હતું. કંપનીનું કહેવું છે કે મે 2021 માં લોકડાઉનને કારણે તેનું વેચાણ ઓછું હતું, તેથી મે 2022 સાથે તેની સરખામણી કરવી યોગ્ય રહેશે નહીં.
ગયા મહિને અલ્ટો અને એસ-પ્રેસો સાથેની મિની કારનું વેચાણ 17,408 યુનિટ હતું. ગયા વર્ષે આ જ મહિનામાં તે 4,760 હતું. કંપનીએ જણાવ્યું હતું કે આ વર્ષે મે મહિનામાં સ્વિફ્ટ, સેલેરિયો, ઇગ્નિસ, બલેનો અને ડીઝાયર જેવા મોડલ સહિત કોમ્પેક્ટ સેગમેન્ટમાં વેચાણ 67,947 યુનિટ હતું.
