પ્રાપ્ત વિગતો અનુસાર જંબુસરના તાડીયા હનુમાન વિસ્તારમાં ટ્રક અને બાઇક વચ્ચે થયેલ અકસ્માતમાં એક યુવાનનું કમકમાટીભર્યું ઘટના સ્થળે મોત થવા પામેલ છે.
મરણ જનાર યુવાન નામે રોહિતભાઈ રમેશભાઇ વસાવા ઉમર આશરે 20 નાઓ સાંજના સમયે કલક ગામ બાજુથી જંબુસર તરફ આવતા હતા તે દરમ્યાન યોગી રસ ભંડાર નજીક મીઠાની ગાડી સાથે ધડાકાભેર બાઇક ભટકાતાં રોહિત વસાવાનું ઘટના સ્થળે મોત થયુ હતું. સદર ઘટનાની જાણ 108 તથા જંબુસર પોલીસને થતા તાત્કાલિક ઘટના સ્થળે આવી પહોંચી હતી અને આગળની કાર્યવાહી હાથ ધરી હતી. સદર મરણ જનનારની લાશને જંબુસર નગરપાલિકા દ્વારા જંબુસર સબ ડિસ્ટ્રિક્ટ હોસ્પિટલ ખાતે પીએમ અર્થે ખસેડવામાં આવી હતી. જંબુસર પોલીસ દ્વારા અકસ્માતે મોતનો ગુનો દાખલ કરી વધુ તપાસ આરંભી છે. સદર ઘટનાની જાણ જંબુસર નગરમાં વાયુ વેગે પ્રસરી જતાં લોકટોળા એકત્રિત થઈ ગયા હતા.
Advertisement
