ભરુચ જિલ્લાના ઝઘડીયા તાલુકાના કપલસાડી ગામ નજીક એક ટ્રક પલ્ટી મારતા તેનો ચાલક ગંભીર રીતે ઘવાતા તેનું સ્થળ પરજ કરુણ મોત થયુ હતુ.ઝઘડીયા પોલીસમાંથી મળતી વિગતો મુજબ આજે રાતના એક વાગ્યાના અરસામાં ટ્ક લઇને જતા સોમાભાઇ લકડીયાભાઇ વસાવા ઉ.વર્ષ ૪૫ રહે.ગામ માલીપીપર તા.ઝઘડીયા જિ.ભરૂચનાએ કપલસાડી ગામ નજીક સ્ટીયરિંગ પરથી કાબુ ગુમાવતા ટ્રક પલ્ટી મારી ગઇ હતી.
આ અકસ્માતમાં ટ્રક ચાલક સોમાભાઇ વસાવા માથા તેમજ શરીરના અન્ય ભાગોએ ગંભીર રીતે ઘવાતા તેનું સ્થળ પરજ કરુણ મોત થયુ હતુ. મૃતકના પુત્ર હિતેશભાઇ સોમાભાઇ વસાવા રહે.ગામ માલીપીપર તા.ઝઘડીયા એ આ અંગે ઝઘડીયા પોલીસમાં ફરિયાદ લખાવતા પોલીસે ગુનો નોંધી તપાસ હાથ ધરી હતી.
ગુલામહુશેન ખત્રી, રાજપારડી
Advertisement
