કરજણ અને પાલેજ વચ્ચે પ્રેરણા એક્સપ્રેસ ટ્રેનના એક કોચમાં આગ લાગતા દોડધામ મચી જવા પામી હતી.

વિનોદભાઇ પટેલ

ગતરોજ રાત્રે નાગપુર અમદાવાદ પ્રેરણા એક્સપ્રેસ કરજણ અને પાલેજ વચ્ચેથી પસાર થઇ રહી હતી તે દરમિયાન એન્જીનની બાજુના પાર્સલની બોગી નીચે આગના ગોટેગોટા જોતા ટ્રેનમાં બેસેલ એક મુસાફરે સમય સુચકતા વાપરી ચેન પુલિંગ કરી ટ્રેન થોભાવી દઈ આગ અંગે ટ્રેનના પાયલોટને જાણ કરી હતી.આગને પગલે અધિકારીઓએ તાત્કાલિક મહામહેનતે આગ પર કાબુ મેળવ્યો હતો. સદર આગની ઘટનામાં કોઇપણ મુસાફરને જાનહાની નહી થતા સૌ કોઈએ રાહતનો શ્વાસ લીધો હતો. આગની ઘટનાને પગલે અન્ય બે ટ્રેનોને અટકાવી દેવામાં આવી હતી.