કરજણ તાલુકાના બોડકા ગામ તરફ જઈ રહેલી બાઇક અને ઇકો ગાડી વચ્ચે અકસ્માત સર્જાતા બાઇક સવારનું કરૂણ મોત નીપજયું હતું.
પ્રાપ્ત માહિતી અનુસાર વસનાજી ઉર્ફે પિન્ટુભાઈ હમીરાજ રબારી હાલ રહે. બોડકા, ડુંગર દાદાની વાડી તા.કરજણ જિ. વડોદરા મૂળ રહે. વાસણ બોર્ડર તા. ધાનેરા જિ. બનાસકાંઠા તેમજ જગસિરામ ઉર્ફે જગદીશ ધર્માજી હાલ રહે. બોડકા, ડુંગર દાદાની વાડી મૂળ રહે. મારુવાડા તા. રાતિવાડા જિ. જાલોર (રાજસ્થાન) બાઇક પર સવાર થઈ બોડકા ગામ તરફ જઈ રહ્યા હતા. ત્યારે એક ઇકો ગાડીના ચાલકે કોઈ કેફી પીણું પીધેલી હાલતમાં ઉમજ ગામથી કરજણ માર્ગ ઉપર ઇકો ગાડી પૂર ઝડપે, ગફલતભરી રીતે હંકારી લાવતા બાઇક સાથે અક્સ્માત સર્જાયો હતો.
સર્જાયેલા અકસ્માતમાં બાઇક સવાર વસ્નાજી તેમજ જગસિરામને માથાના તથા શરીરે ગંભીર ઇજાઓ થતા બંનેના ઘટના સ્થળે જ કમકમાટીભર્યા મોત નીપજ્યા હતા. અક્સ્માત સંદર્ભે દિનેશ રણછોડભાઈ રબારીએ ઇકો ચાલક વિરૂદ્ધ કરજણ પોલીસ મથકમાં ફરીયાદ નોંધાવતા પોલીસે ફરીયાદ નોંધી વધુ તપાસ હાથ ધરી છે.
યાકુબ પટેલ : કરજણ
