અમદાવાદથી મહેમદાવાદ ચોરી કરવા આવતી ત્રિપુટી પોલીસના હાથે ઝડપાઇ ગઇ હતી. અમદાવાદમાં જુગાર અને ચોરીના કેસોમાં ઝડપાઈ ચૂકેલા અને બે બે વાર પાસાની સજા ભોગવી ચૂકેલા મોહશીન હુસેન શેખ, રહે. નુરે રેહાન સોસાયટી, જુહાપુરા, સમીરખાન ઉર્ફે કાણિયો પઠાણ રહે. યુસુફ રેસીડેન્સી, જુહાપુરા, જાઉલખાન ઉર્ફે જાવલો મલેક રહે.
ફિરોઝ બિલાલ સોસાયટી, વેજલપુર રોડ ચોરી કરવા મહેમદાવાદ શહેરમાં ઘૂસ્યા હતા. રાત્રે 4 વાગ્યાની આસપાસ શહેરની તેજસ પાન પાર્લરની દુકાનના શટરના તાળા તોડી દુકાનમાં પ્રવેશ કરી પાન-મસાલાનો સામાન, રોકડા, સિગારેટના બોક્સની ચોરી કરી હતી.
પરંતુ મુદ્દામાલ ચોરી કરી પરત અમદાવાદ જઈ રહ્યા હતા, તે દરમિયાન પેટ્રોલીંગ કરી રહેલ મહેમદાવાદ પોલીસના હાથે ચઢી ગયા હતા. પોલીસે તમામની પુછપરછ કરતા ચોરી કરેલ સામાન અને ચોરીમાં ઉપયોગમાં લીધેલ રિક્ષા, તથા મોબાઈલ મળી કુલ રૂ.70 હજારનો મુદ્દામાલ સાથે તમામને ઝડપી પાડ્યા હતા.
