તાલુકા હેલ્થ કચેરી માંગરોળ મુકામે વિશ્વ વસ્તી દિન ઉજવણી કરાઈ.

તાલુકા મથક માંગરોળ મુકામે આવેલ તાલુકા હેલ્થ કચેરી માંગરોળના સભાખંડમાં અધિક જિલ્લા આરોગ્ય અધિકારી ડો. લાખાણીના પ્રેરણા અને ડો. સમીર ચૌધરી તાલુકા આરોગ્ય અધિકારીના માર્ગદર્શન હેઠળ વિશ્વ વસ્તી દિવસની ઉજવણી કરાઈ હતી

તથા આશા સંમેલન પણ યોજાયેલ હતું, જેમા તાલુકા આરોગ્ય અધિકારી ડો. સમીર ચૌધરી અને તાલુકા આઈ. ઈ.સી.અધિકારી શનિચરાએ માર્ગદર્શન પૂરુ પાડેલ તેમજ વક્તૃત્વ સ્પર્ધા, નિબંધ સ્પર્ધા અને ચિત્ર સ્પર્ધાનું પણ આયોજન કરવામાં આવેલ હતું. જેમાં વિજેતા થયેલ ઉમેદવારો સ્પર્ધકોને પ્રોત્સાહક ઇનામ પણ આપવામાં આવેલ હતા જ્યારે નિર્ણાયક તરીકે આનંદીબેન મહિડા, સુરેશ આર વસાવા મેહુલભાઈ ચૌધરીએ સેવા આપેલ હતી.

વિનોદ મૈસુરિયા : વાંકલ