ઉમરપાડાના બિલવણ ગામે ૧૫ વર્ષીય તરુણી સાથે પ્રેમ સંબંધ બાંધી ગર્ભવતી બનાવનાર યુવક વિરુદ્ધ ફરિયાદ નોંધાઇ.

ઉમરપાડા તાલુકાના બિલવણ (ઘાટા) ગામમાં રહેતી ૧૫ વર્ષીય તરૂણી સાથે પ્રેમ સંબંધ બાંધી ગર્ભવતી બનાવનાર યુવક વિરુદ્ધ ઉમરપાડા પોલીસ મથકમાં ફરિયાદ નોંધાઇ છે.

બિલવણ (ઘાટા) ગામમાં રહેતી એક પંદર વર્ષની તરુણી સાથે આજ ગામમાં રહેતો તેજસ કિશનભાઇ વસાવા મૂળ રહે ઉમરદા ગામ તાલુકો ઉમરપાડા જીલ્લો સુરતનાએ નાની અસમજ તરુણી સાથે દોઢ વર્ષ પહેલા પ્રેમ સંબંધ બાંધી અવારનવાર શરીર સંબંધ બાંધી તરુણીને ગર્ભવતી બનાવી હતી. પરિવારજનોને યુવતી ગર્ભવતી હોવાની જાણ થતા યુવક તેજસ કિશનભાઇ વસાવા વિરુદ્ધ ફરિયાદ આપતા ઉમરપાડા પોલીસે કલમ ૩૭૬ તેમજ ચાઇલ્ડ સેક્સ્યુઅલ ઓફેન્સ એક્ટ હેઠળ ગુનો નોંધાયો છે.

વિનોદ મૈસુરિયા : વાંકલ