મિર્ઝાપુરમાં બીના ત્રિપાઠીનો રોલ નિભાવનારી રસિકા દુગ્ગલે પોતાની નવી વેબ સિરીઝ અધૂરાનું ટીઝર રિલીઝ કર્યુ છે. આ અમુક જ મિનિટના ટીઝરમાં એક બાળક બતાવાયુ છે અને તેની ઉપર એક દાઝેલા ભયાવહ ચહેરાની ઝલક જોવા મળે છે. આ વેબ સિરીઝની ત્રીજી સિઝનનું ટીઝર રિલીઝ થતા જ વાયરલ થઈ રહ્યુ છે.
અધૂરા વેબ સિરીઝનું ટીઝર સોશિયલ મીડિયા પર વાયરલ થઈ રહ્યુ છે. આ ટીઝરને શેર કરતા રસિકા દુગ્ગલે લખ્યુ- ફરી એક વખત આ રિયુનિયનને જરૂર જોજો…અધૂરા…પ્રાઈમ વીડિયો પર…7 જુલાઈથી.’ આ વેબ સિરીઝની અત્યાર સુધી બે સિઝન આવી ચૂકી છે અને આ ટીઝર બાદ ત્રીજી સિઝનને લઈને ચાહકોનો ઉત્સાહ વધુ વધી ગયો છે. આ વેબ સિરીઝ ગૌરવ ચાવલા અને અનન્યા બેનર્જીએ ડાયરેક્ટ કરી છે.
ઉલ્લેખનીય છેકે રસિકા મિર્ઝાપુર સિવાય મેડ ઈન હેવન, આઉટ ઓફ લવ અને ઓકે કોમ્પ્યુટરમાં જોવા મળી ચૂકી છે. આ સિવાય ઘણી ફિલ્મોમાં પણ પોતાની અદાકારી દર્શાવી ચૂકી છે. જેમ કે અનવર, ઔરંગઝેબ, બોમ્બે ટોકીજ, લસ્ટ સ્ટોરીસ સિવાય ઘણી ફિલ્મો સામેલ છે.
