અભિનેત્રી કંગના રાનાઉત આ વર્ષે ઘણી ફિલ્મોમાં જોવા મળી રહી છે. હવે તેણે ભારતની પૂર્વ વડા પ્રધાન, ઇન્દિરા ગાંધી પર આધારીત તેની આગામી ફિલ્મ ઇમર્જન્સી માટેની તૈયારી શરૂ કરી દીધી છે. આ વિશે તેણે પોતાની ઈન્સ્ટાગ્રામ સ્ટોરી પર એક વીડિયો શેર કર્યો છે.
આ વીડિયોમાં ડોકટરોની ટીમ શરીરના ઉપકરણો અને કેટલાક કમ્પ્યુટરને સ્કેન કરતી જોવા મળી રહી છે. તેની ઇન્સ્ટાગ્રામ સ્ટોરી પર વીડિયો શેર કરતાં તેણે લખ્યું, ‘મેડમ પીએમ ઈન્દિરા ગાંધીની ત્વચાનું રૂપ લેવા માટે’ ઇમર્જન્સી ‘ફિલ્મ માટે બોડી સ્કેન. વીડિયોમાં કંગના મશીન સામે હાથ મૂકીને તેનું સ્કેન કરાવી રહી છે.
જયલલિતાની બાયોપિક બાદ કંગના રનૌતે ઈન્દિરા ગાંધીની બાયોપિકની તૈયારી શરૂ કરી દીધી છે. કંગનાએ સોશિયલ મીડિયા પર આ તૈયારીઓ સંબંધિત વીડિયો અને ફોટો શેર કર્યા. જેમાં તે પ્રોસ્થેટિક માટે તૈયાર જોવા મળી રહી છે. તેની બોડી સ્કેન કરવામાં આવી રહી છે. કંગનાની આ ફિલ્મ સાઈ કબીર ડાયરેક્ટ કરશે. ફોટો શેર કરતા કંગનાએ લખ્યું છે કે-
દરેક પાત્ર નવી યાત્રાની એક સુંદર શરૂઆત છે. આજે અમે બોડી, ફેસ સ્કેન અને કાસ્ટની સાથે ફિલ્મ ઈમર્જન્સી ઈન્દિરાની યાત્રા શરૂ કરી જેથી દેખાવ બરાબર દેખાઈ શકે. પોતાના વિઝનને પડદા પર જીવંત કરવા માટે ઘણા અદ્ધુત કલાકારો એક સાથે જોડાઈ રહ્યા છે. મણિકર્ણિકા પ્રોડક્શનની આ ખાસ ફિલ્મ હશે.
તમિલનાડુના CM રહેલા જયલલિતાની બાયોપિક ‘થલાઈવી’ 23 એપ્રિલે થિયેટરમાં રિલીઝ માટે તૈયાર હતી, પરંતુ દેશમાં કોરોનાની બીજી લહેરના કારણે ફિલ્મને પોસ્ટપોન કરવામાં આવી હતી. પ્રોડક્શન સાથે સંબંધિત એક સૂત્રએ કહ્યું હતું કે, અમારી યોજના આ વર્ષે ઓગસ્ટમાં અને માત્ર થિયેટરોમાં જ ફિલ્મ રિલીઝ કરવાની છે. ફિલ્મ ‘થલાઈવી’ સિવાય કંગના ફિલ્મ ‘ધાકડ’માં પણ જોવા મળશે.
રજનીશ ઘાઇ દ્વારા દિગ્દર્શિત, આ એક્શન એન્ટરટેઈનર ફિલ્મમાં અર્જુન રામપાલ અને દિવ્યા દત્તા પણ મુખ્ય ભૂમિકામાં હશે.મેકર્સ હવે ફિલ્મને 1 ઓક્ટોબર 2021ના રોજ રિલીઝ કરવાનું પ્લાનિંગ કરી રહ્યા છે. તે સિવાય કંગનાની પાસે ‘તેજસ’ પણ છે, જેમાં તે એક એર ફોર્સ ઓફિસરના રોલમાં જોવા મળશે.
