સેવાલિયામાં દોઢેક માસ અગાઉ અવધૂત હોટલવાળા રોડ પર એક અજાણ્યો ઈસમ એક વૃદ્ધને તમારા કપડાં બગડ્યા છે કહેતા વૃદ્ધે પાછળ વળીને જોયું હતું. દરમિયાન અજાણ્યો ઈસમ વૃદ્ધની નજર ચૂકવી રોકડ ભરેલ થેલો ઝૂંટવી ફરાર થઈ ગયો હતો. જેને મંગળવારે પોલીસે સેવાલિયા બસ સ્ટેન્ડથી ઝડપી પાડ્યો છે. જેની પાસેથી ત્રણ હજાર રુપિયા પોલીસે રીકવર કરી તેની વધુ પુછતાછ હાથ ધરી છે.
સેવાલિયામાં રહેતા પ્રવિણચંદ્ર ગોવિંદલાલ શાહ (ઉં.વ.૬૪) ગત તા.૧૧ મી ઓક્ટોબર ૨૦૨૨ના રોજ બેંકમાથી રુપિયા ઉપાડી પોતાના મિત્ર ડૉ.ગિરીશ તલાટી પાસેથી એક લાખ લીધેલ તે પરત આપવા જઈ રહ્યા હતા. ત્યારે સી.પી.પટેલ હાઈસ્કુલવાળા રોડ પર અજાણ્યા ઈસમે વૃદ્ધને તમારા કપડાં બગડ્યા છે. તેમ કહેતા વૃદ્ધે પાછળ વળી જોતા કપડાં બગડ્યા હોય તેઓ ઘરે જતા રહ્યા હતા. ઘરે જઈ તપાસ કરતાં તેમની એક લાખ રોકડ, તથા કિંમતી દસ્તાવેજો ભરેલ થેલી પોતાને પાસે ન હોઈ અજાણ્યો ઈસમ ચોરી ગયો હોવા મામલે તેમણે સેવાલિયા પોલીસ મથકે ફરિયાદ આપી હતી. દરમિયાન મંગળવારે આ ચોરી કરનાર ઈસમ સેવાલિયા બસ સ્ટેન્ડમાં હોવાની બાતમી એલસીબીને મળી હતી. પોલીસે સ્થળ પર પહોંચી પલનીસ્વામી મનુસ્વામી નાયડુ (હાલ રહે.વડોદરા)ને ઝડપી પાડ્યો હતો. જેણે પોતે ચોરી કરી હોવાની કબુલાત કરી હતી.
નરેશ ગનવાણી : નડિયાદ
