મહેમદાવાદના ખાત્રજ સીમ વિસ્તારમાં મોટરસાયકલ લઈને નીકળેલા બે મિત્રોને અકસ્માત નડતા આ બંનેનું ઘટના સ્થળે જ મોત થયું હતું.મહેમદાવાદ પોલીસે ફરિયાદના આધારે ગુનો નોંધી કાયદેસરની કાર્યવાહી હાથ ધરી છે.
મહેમદાવાદ તાલુકાના માકવા ગામે રહેતા ૩૧ વર્ષીય વિજયભાઈ ગોવિંદભાઈ હરીજન ગામમા રહેતા તેમના મિત્ર ભરતભાઈ નવઘણભાઈ ભોઈએ વિજયભાઈનુ મોટર સાયકલ લઈને ગતરોજ સાંજના પોતાના મિત્ર ભાવેશભાઈ બાબુભાઈ તળપદાને બેસાડી મહેમદાવાદના ખાત્રજ સીમ વિસ્તારમાંથી પસાર થઈ રહ્યા હતા. ત્યારે કોઈ અજાણ્યા વાહને મોટરસાયકલને ટક્કર મારી હતી. મોટરસાયકલ પર ભરતભાઈ અને ભાવેશભાઈ તળપદા બંને રોડ ઉપર પટકાયા હતા. જેના કારણે શરીરે બંનેને ગંભીર ઇજાઓ થતા સ્થળ પર મોત નીપજયું હતું. મહેમદાવાદ પોલીસે વિજયભાઈ હરિજનની ફરિયાદના આધારે ગુનો નોંધી અજાણ્યા વાહનચાલક સામે કાયદેસરની કાર્યવાહી હાથ ધરી છે.
નરેશ ગનવાણી : નડિયાદ
