પંચમહાલમાં મતદારોને PVC ઓળખકાર્ડ આપવાની કામગીરી સ્થગિત

વિજયસિંહ સોલંકી, ગોધરા

ભારતનાં ચૂંટણી પંચ દ્વારા ERO.NET કાર્યાન્વિત કરી દેવામાં આવેલ છે. મતદાર યાદી સુધારણા કાર્યક્ર્મ-૨૦૧૮ દરમિયાન નવા નોંધાયેલા તમામ મતદારોને ઓળખકાર્ડના નંબર ERO.NET મારફત ભારતનાં ચૂંટણી પંચ દ્વારા ફાળવવામાં આવનાર છે. કાર્યક્ર્મ અંતર્ગત મતદાર યાદીની આખરી પ્રસિધ્ધિ તા. ૩૦/૦૪/૨૦૧૮ છે. જેથી પંચમહાલ જિલ્લાના નવા નોંધાયેલા તમામ મતદારોને નવા EPIC નંબરની ફાળવણી ન થાય ત્યાં સુધી એટલે કે તા. ૧૬/૦૪/૨૦૧૮ થી તા. ૦૫/૦૫/૨૦૧૮ દરમિયાન તમામ મતદાર સહાયતા કેન્દ્રો ખાતેથી મતદારોને PVC ઓળખ કાર્ડ આપવાની કામગીરી બંધ રાખવામાં આવેલ છે જેની સર્વે મતદારોએ, નાગરિકોએ નોંધ લેવા નાયબ જિલ્લા ચૂંટણી અધિકારી, ગોધરા- પંચમહાલે જણાવ્યું છે.