શહેરા બસ સ્ટેશન પાસે રમાતા જુગાર ધામ પર પોલીસનો દરોડો ૧૮જુગારીઓ પકડાયા

વિજયસિંહ સોલંકી, શહેરા

પંચમહાલના શહેરા નગરમા ધમધમતા જુગારધામ પર પોલીસ દ્રારા દરોડો પાડવામા આવતા ભારે નાસભાગ મચી જવા પામી હતી અને ૧૮ જેટલા જુગારી પોલીસે પકડી પાડ્યા હતા.

પ્રાપ્ત વિગતો અનૂસાર શહેરાનગરમાં જુગારની બદી ડામવા પોલીસ સક્રીય બની છે તેમ લાગી રહ્યુ છે.શહેરા બસસ્ટેશન પાસે આવુ એક જુગારધામ ધમધમી રહ્યુ હતુ.તેની બાતમી પોલીસને મળી હતી .અને જુગારધામ પર પોલીસ ની રેડ કરવામા આવતા પોલીસને જોઈ ભારે નાસભાગ મચી જવા પામી હતી.
પોલીસે ૧૮ જુગારીયાઓને પકડી પાડયા હતા. પોલિસે જુગારધામ પર રેડ દરમિયાન ૪૦હજાર ના મુદામાલ સાથે કાયદેસરની કાર્યવાહી હાથ ધરવા પામી છે.પોલીસની કાર્યવાહીથી જુગાર રમતા ગેમ્બલરોમા ફફડાટ ફેલાયો છે.