રાજકોટના લોઠડામાં પતંગનો દોરો ઘાતકી બન્યો : ગળું કપાઈ જતાં સાત વર્ષના બાળકનું મોત

રાજકોટ શહેરના આજીડેમ પોલીસ મથક હેઠળના ગ્રામ્ય વિસ્તારમાં પતંગના દોરાથી ગળું કપાઈ જતાં મોતની ઘટના બની છે. જેમાં એક બાળકનું મોત થયું છે. લોઠડા ગામે પતંગના દોરાથી ગળું કપાઇ જતાં ઋષભ અજયભાઈ વર્મા (ઉ.વ.૭)ને ગળામાં ગંભીર ઇજા થતાં રાજકોટ સિવિલ હોસ્પિટલમાં ખસેડાયો હતો. પણ અહીં મૃત્યુ નિપજતાં તબીબે પોલીસને જાણ કરતાં હોસ્પિટલ ચોકીના રામશીભાઈ વરૂએ આજીડેમ પોલીસને જાણ કરી છે.