રાજપીપળા નજીક દારૂના નશામાં ધૂત ટ્રક ચાલકે બાઈકનો ખુરદો બોલાવી એકને ઇજા પહોંચાડી.

પ્રાપ્ત માહિતી અનુસાર બુધવારે સાંજે વડીયા જકાત નાકા નજીકથી પસાર થતી ટ્રક નં. જીજે.16.Z.5298 ના ચાલાક યોગેશ મનસુખભાઇ તડવી રહે.ભણાદ્રા તા.ગરૂડેશ્વર એ ટ્રક ચલાવતી વખતે દારૂનો નશો કર્યો હોય પીધેલી હાલતમાં ટ્રક હંકારતા હાઇવે રોડ પરનું ડિવાઈડર કુદાવી રોંગ સાઈડમાં ઘૂસી જઈ રોડની બાજુમાં ઉભેલા નિમંતભાઈની મોટર સાઈકલ.નં.GJ-22-L-6867 માં ટ્રક ઘૂસાડી મોટર સાઈકલનો ખુરદો બોલાવી નિમંતભાઈને ગંભીર ઇજાઓ કરી હતી. આ બાબતે સંજુભાઈ ગુમાનસિંગ પાડવીએ રાજપીપળા પો.સ્ટે.માં ટ્રક ચાલાક વિરુદ્ધ ફરિયાદ આપતા પોલીસે કાયદેસર કાર્યવાહી હાથ ધરી છે.

રાજપીપળા, આરીફ જી કુરેશી