નર્મદા જિલ્લામાં હાલ લગ્નની મોસમ ચાલી રહી છે જેમાં 50 થી માણસો ભેગા કરવા પર સરકારે પ્રતિબંધ લગાવ્યો હોવા છતાં લગ્નમાં 50 થી વધુ માણસો ભેગા કરી કોરોના સંક્રમણ ફેલાવતા લોકો સામે પોલીસે લાલ આંખ કરી છે. જેમાં સાગબારા તાલુકાના ચીમ્બાપાણી ગામે લગ્ન પ્રસંગમાં 50 થી વધુ માણસો ભેગા કરતા ગુનો નોંધાયો છે . આ અંગે સાગબારા પોલીસ મથકે ફરિયાદી પીએસઆઈ કે.એલ ગળચરે આરોપી સેતુભાઇ શિવરામભાઇ વસાવા (રહે,ચીમ્બાપાણી )સામે ફરિયાદ કરી છે.
ફરિયાદની વિગત આરોપી સેતુભાઈ પોતાના છોકરાના લગ્ન પ્રસંગમાં રાત્રી દરમિયાન 50 થી વધુ લોકો ભેગા કરી સામાજિક અંતર નહીં જાળવી કોરોના વાયરસ થઈ જાય તેવું બેદરકારી ભર્યું કૃત્ય કરી જિલ્લા મેજિસ્ટ્રેટના જાહેરનામાનો ભંગ કરી ગુનો કરતાં તેમની સામે કાયદેસરની કાર્યવાહી હાથ ધરી છે.
Advertisement
જ્યોતિ જગતાપ, રાજપીપળા
