રાજપીપલા : નાંદોદ તાલુકાના ટંકારી ગામે આરોપીએ પોતાની સાથે સાથે પ્રેમ-સબંધ રાખવા માટે પોતાના વોટ્સએપ નંબરના સ્ટેટસ ઉપર કાચમાં હાથ મારી ઇજા કરી લોહી નીકળતો વિડીયો તેમજ હોસ્પીટલમાં દાખલ થયેલાનો વિડીયો સગીર કન્યાને વાયરલ કરવાની ઘટનાએ ચકચાર જગાવી છે. જેમાં આ વિડિઓ જોઈને ગભરાઈ ગયેલી સગીર કન્યાએ કપાસમાં છાટવાની ઝેરી દવી પી જઇ આત્મહત્યા કરવાનો પ્રયાસ કરતા આરોપી સામે આત્મહત્યા કરવા માટે દુષ્પ્રેરણનો ગુનો દાખલ કરાયો છે.
આ અંગે રાજપીપલા પોલીસ મથકે ફરીયાદી સુરેશભાઇ ફતેસિંગભાઇ તડવી (ઉ.વ.૪૨ રહે. ટંકારી ગામે ઉપલું ફળિયું તા. નાંદોદ) એ આરોપી સિધ્ધાર્થ મુકેશભાઇ તડવી( રહે. રાજપીપલા લાલ ટાવર તા.નાંદોદ)સામેરાજપીપલા પોલીસ મથકમાં ફરિયાદ દાખલ કરી છે. બનાવની વિગત અનુસાર ફરીયાદીની દિકરી સગીરવયની હોવાનું જાણવા છતા આરોપી આરોપી સિધ્ધાર્થ મુકેશભાઈ તડવી (રહે.રાજપીપલા લાલટાવર તા.નાદોદ,) ને તેણીની સાથે પ્રેમ-સબંધ રાખવા માટે પોતાના વોટ્સએપ નંબર ના સ્ટેટસ ઉપર કાચમાં હાથ મારી ઇજા કરી
લોહી નીકળતો વિડીયો તેમજ હોસ્પીટલમાં દાખલ થયેલાનો વિડીયો મુકી તે વિડીયો ફરીયાદીની દિકરી સગીર કન્યાએ જોઈ જતા તેને મનમાં લાગી આવતા કપાસમાં છાટવાની ઝેરી દવી પી જઇ આત્મહત્યા કરવા માટેનું દુષ્પ્રેરણ આચરી ગુન્હો કરતા આરોપી સામે રાજપીપલા પોલીસ ઇન્સ્પેક્ટર એમ.બી ચૌહણે કાયદેસરની કાર્યવાહી હાથ ધરી હતી.
જ્યોતિ જગતાપ, રાજપીપલા
