સુરત લાલગેટ પોલીસને બાતમી મળી હતી કે હોડીબંગ્લા નજીક દિલ્લી દસ્તરખ્વાન નામની હોટેલમાં ગૌમાસ વેચવામાં આવી રહ્યું છે. જે બાતમીના આધારે તપાસ કરતા હોડીબંગ્લા પાસે દસ્તરખ્વાન રેસ્ટોરન્ટમાંથી લાલગેટ પોલીસે 60 કિલો ગૌમાસ ઝડપાયું હતું. પોલીસ દ્વારા માંસનો જથ્થો જપ્ત કરી એફએસએલમાં મોકલી આપવામાં આવ્યું હતું. પોલીસે રેસ્ટોરન્ટના માલિક સરફરાજ મોહંમદ વજીર ખાનની સામે ગુનો નોંધી તેની ધરપકડ કરી વધુ તપાસ હાથ ધરી છે.
મહત્વની બાબત છે કે આ રેસ્ટોરન્ટમાં કેટલા સમયથી આ ગૌમાંસને લાવવામાં આવતું હતું અને આ જથ્થો ક્યાંથી મેળવવામાં આવતું હતું તે તમામ દિશાઓમાં હાલ પોલીસે તપાસની કવાયત હાથધરી છે.
Advertisement
