સુરત : ડીંડોલીમાં આવેલ ખાનગી હોસ્પિટલમાં નર્સ સાથે ગેરવર્તન કરનાર ત્રણ ઇસમો ઝડપાયા

ડીંડોલી પોલીસ સ્ટેશન વિસ્તારમાં આવેલ ત્રિપાઠી હોસ્પિટલમાં રોહિત સાળવે નામના ઈસમને હાથ તથા પગના ભાગે વાગેલ હોય તેના બે મિત્રો રોહિત પવાર તથા અક્ષય સોનવણે સાથે સારવાર કરાવવા આવેલ, દરમિયાન ફરજ પરના મહિલા નર્સે ઈજા પામેલા આરોપીને ડ્રેસિંગ કરાવવાનું કહેતા તે એકદમ ઉશ્કેરાઈ ગયેલ અને મહિલા નર્સ સાથે ગાળાગાળી, ઝઘડો કરી ગેરવર્તન કરેલ અને નર્સના ગળાના ભાગે તમાચા મારી જાનથી મારી નાખવાની ધમકી આપી હોસ્પિટલમાં ગભરાટનું વાતાવરણ પેદા કરેલ હોય જેથી હોસ્પિટલ સ્ટાફના માણસોએ પોલીસને જાણ કરતા તુરંત ડીંડોલી પોલીસની પી.સી.આર વાન તથા પોલીસના માણસોએ તાત્કાલિક પહોંચી જઈ ત્રણે આરોપીઓ જેમાં (૧) રોહિત જીતેન્દ્ર સાળવે ઉવ.૧૯ રહે- રીઝન્ટ પ્લાઝાની બાજુમાં મહાદેવનગર-૦૩ નવાગામ ડીંડોલી સુરત (૨) અક્ષય તુકારામ સોનવણે ઉ.વ.૨૦ રહે- મોદી એસ્ટેટ બાબા મેમોરિયલ હોસ્પિટલ ની ગલીમાં નવાગામ ડીંડોલી સુરત (૩) રોહિત ભાઈદાસ પવાર ઉ.વ.૨૦ રહે- મોદી એસ્ટેટ બાબા મેમોરીયલ હોસ્પિટલની પાછળ નવાગામ ડીંડોલી સુરત ઝડપી લઇ મહિલા નર્સની ફરીયાદ લઈ ડીંડોલી પોલીસ સ્ટેશનમાં IPC કલમ 323 504 506(2) 114 મુજબનો ગુનો રજીસ્ટર કરી કાયદેસરની કાર્યવાહી કરી હતી.