સુરતના રિંગરોડ ખાતે ત્યારે લોકોની ભીડ ભેગી થઈ જ્યારે શાળાના કેટલાક વિદ્યાર્થીઓ વચ્ચે છૂટા હાથની મારામારી થઈ હતી. આ મારામારીમાં વિદ્યાર્થીઓએ એકબીજાના સ્કૂલ ડ્રેસ પણ ફાડી નાખ્યા હતા. મારામારીની આ ઘટનાનો વીડિયો પણ સામે આવ્યો છે, જેમાં દેખાય છે કે 10 થી 12 જેટલા વિદ્યાર્થીઓ વચ્ચે કોઈ બાબતે વિવાદ થતા મારામારી થઈ હતી. આ મારામારીમાં સ્થાનિક લોકોએ વિદ્યાર્થીઓને છોડાવવાનો પ્રયાસ કરતા તેમણે પણ ધક્કે ચઢાવ્યા હતા.
મળતી માહિતી મુજબ, સુરતના રિંગરોડથી વિદ્યાર્થીઓની મારામારીનો વીડિયો સામે આવ્યો છે, જેમાં ખાનગી શાળાના 10 થી 12 વિદ્યાર્થી જાહેરમાં એક બીજાને લાફાવાળી કરતા જોવા મળી રહ્યા છે. ચામુંડા રેસ્ટોરન્ટ બહાર શહેરની એક ખાનગી શાળાના કેટલાક વિદ્યાર્થીઓ વચ્ચે કોઈ બાબતે વિવાદ થયો હતો. આ વિવાદ ઉગ્ર થતા વિદ્યાર્થીઓ વચ્ચે છૂટા હાથની મારામારી થઈ હતી. જો કે, કેટલાક સ્થાનિક લોકો દ્વારા વિદ્યાર્થીઓને છોડાવવાનો પ્રયાસ કરવામાં આવ્યો હતો. પરંતુ, તેમણે પણ વિદ્યાર્થીઓએ ધક્કે ચઢાવ્યા હતા.
આ મારામારીની ઘટનામાં વિદ્યાર્થીઓએ એકબીજાના સ્કૂલ ડ્રેસ પણ ફાડી નાખ્યા હતા. જોકે, વિદ્યાર્થીઓ વચ્ચે કઈ બાબતે ઝઘડો થયો તે અંગે હાલ જાણી શકાયું નથી. પરંતુ, વિદ્યાર્થીઓએ કરેલી મારામારીને કોઈએ પોતાના મોબાઇલમાં કેદ કરી હતી, જે વીડિયો હાલ સોશિયલ મીડિયા પર વાયરલ થયો છે. વિદ્યાર્થીઓની મારામારીનો વીડિયો જોઈ કેટલાક વાલીઓમાં ચિંતા પ્રસરી છે.
