ઉમરપાડા તાલુકાના ચિતલદા ગામની સીમમાંથી ચારથી પાંચ માસના બાળકનું ભ્રૂણ મળી આવ્યું હતું. ચિતલદા ગામની સીમમાં ધરમસિંહ હીરાભાઈ વસાવાના ખેતરની બાજુમાં ડુંગર ઉપર લીમડાના ઝાડ નીચે સફેદ રૂમાલમાં વીટાળેલ એક ચારથી પાંચ માસનું બાળકનું ભ્રુણ મળી આવ્યું હતું. સફેદ રૂમાલ ઉપર અંગ્રેજીમાં હર્ષ લખેલું હતું. અજાણી સ્ત્રીએ બાળકનો જન્મ છુપાવવા બાળકના ભ્રુણને ત્યજી લીધું હોવાનું જણાઈ રહ્યું છે. આ ઘટના અંગે ગામના સરપંચ રાજેશભાઈ વસાવાને જાણ થતા તેમણે તપાસ કરાવી હતી ત્યારબાદ ઉમરપાડા પોલીસને જાણ કરવામાં આવી હતી. હાલ ગોવિંદભાઈ ડુંગરસિંગભાઈ વસાવા રહે. ચિતલદા દ્વારા ઉમરપાડા પોલીસમાં ફરિયાદ અપાતા પોલીસે અજાણી મહિલા વિરુદ્ધ ગુનો નોંધી તપાસ શરૂ કરી છે.
Advertisement
