સુરત શહેરમાં આજે એક અજાણ્યા ઇસમની લાશ બ્રિજ નીચે પડી હોવાની માહિતી પોલીસને મળી હતી. ઉધના પોલીસને મળેલી માહિતીમાં શહેરના લીંબડી બ્રિજ નીચે એક અજાણ્યા ઇસમની લાશ પડી હોવાની જાણ લોકો દ્વારા કરવામાં આવી હતી. આ બાબતની જાણ થતાં જ પોલીસ ઘટના સ્થળે દોડી આવી હતી અને લાશનો કબજો લઇ તેનું મોત કયા કારણોસર થયું છે. તે જાણવા માટે લાશને પી.એમ અર્થે મોકલી આપી હતી. આ બનાવ સંદર્ભે ઉધના પોલીસે હાલ તો અકસ્માત મોત અંગે ગુનો દાખલ કરીને આ યુવાન કોણ છે ક્યાંથી આવ્યો હતો અને તેનું મોત કેવી રીતે થયું તે દિશામાં તપાસ શરૂ કરી છે.
Advertisement
