સુરતનાં પાંડેસરા વિસ્તારમાં આવેલ કાશી વિશ્વનાથ મંદિરમાં તસ્કરોએ દાનપેટીમાં રાખેલ રોકડ રકમની ચોરી કરી હતી આ સમગ્ર ધટના સીસીટીવીમાં કેદ થઈ જતાં પોલીસતંત્ર હરકતમાં આવ્યું છે.

વર્તમાન સમયમાં દેવાલયો પણ તસ્કરોની નજરથી બચી શકતા નથી. સુરતનાં પાંડેસરા સ્થિત કાશી વિશ્વનાથ મંદિરમાં ગતરાત્રી દરમ્યાન એક અજાણ્યા શખ્સ મંદિરમાં મૂકેલી દાનપેટી તોડી તેમાંથી રોકડ રકમની ચોરી કરી પલાયન થઈ ગયો હતો. જોકે મંદિરમાં મૂકેલ સીસીટીવી કેમેરામાં આ અજાણ્યા શખ્સની તમામ હરકત કેદ થઈ ગઈ હતી. બનાવ અંગેની જાણ પાંડેસરા પોલીસને થતાં પોલીસ મંદિર સંકુલ ખાતે દોડી આવી હતી અને સીસીટીવી કેમેરાના ફૂટેજ મેળવી ચોરી કરનાર શખ્સનું પગેરું શોધવાની કવાયત હાથ ધરી છે.